ფრინველის საკვების ხარისხი დიდწილად განაპირობებს საბოლოო პროდუქტის – კვერცხის ხარისხს. ჩვენი ფრინველი იკვებება კომბინირებული ჯანსაღი საკვებით, რომელიც მზადდება საკუთარ საკვებ-დამამზადებელ საამქროში (15 ტონა/საათში ფხვიერი და 10 ტონა/საათში გრანულირებული საკვების წარმადობით). სასაწყობე მეურნეობა მოიცავს 3,000 კვ. მეტრი იატაკურ და 7,000 კუბ. მეტრი მოცულობის მარცვლეულის შესანახ ელევატორებს. ფრინველის საკვების ძირითადი ინგრედიენტებია მაღალი ხარისხის სიმინდი, ხორბალი, მზესუმზირის შროტი, სოიოს შროტი და მზესუმზირის ზეთი.

გარემოზე ზრუნვა შპს “დილის პროდუქტების” ერთ-ერთი მთავარი პრიორიტეტია. ფაბრიკაში არსებული ნარჩენების გადასამუშავებელი დანადგარი გარემოს იცავს დაბინძურებისაგან. 2017 წელს ეტაპობრივად დავიწყეთ ეკოშეფუთვის დანერგვა და შევიძინეთ კვერცხის დახარისხებისა და შეფუთვის უახლესი ჰოლანდიური წარმოების (SANOVO) ტექნოლოგიური ხაზი. იმავე წელს საქართველოს ბაზარზე პირველებმა წარმოვადგინეთ კომპანია HARTMANN მიერ წარმოებული ეკო-შეფუთვით ომეგა 3-ით გაჯერებული კვერცხი. დღეს ოთხივე ძირითადი ბრენდი – “Omega-3” (2017 წლიდან), “განთიადი” (2018 წლიდან), “XL” – ყველაზე დიდი კვერცხი (2020 წლიდან) და Free Range “ძიბა-ძიბა” (2020 წლიდან) ეკოშეფუთვებშია წარმოდგენილი.